Mbështetja e Vodafone për të përballuar koston në rritje të jetesës

Vodafone Albania shpreh keqardhje për rritjen e kostos së jetesës për qytetarët shqiptarë. Në këtë periudhë të gjithë jemi të prekur nga rritja e inflacionit, të cilin aktualisht, Banka e Shqipërisë, e cilëson në nivelin 9%. Rritja e çmimit të energjisë ka ndikuar edhe në zinxhirin e prodhimit dhe furnizimit në mbarë botën, duke bërë që produktet e konsumit të shportës të rriten me 30%.


Vodafone Albania nuk mund të jetë imun ndaj këtyre ndryshimeve. Ky fakt, i shoqëruar me rritjen e normës së inflacionit, rezulton në rritje të ndjeshme të kostove operative dhe të mirëmbajtjes dhe menaxhimit të rrjetit mbështetës për ofrimin e shërbimeve tona.


Në Vodafone, ne kërkojmë të ofrojmë zgjidhjet më të mira për klientët tanë që gjenden në një situatë të veçantë ekonomike, por që dëshirojnë të vazhdojnë të përdorin shërbimet tona me një çmim që i përshtatet më shumë situatave të tyre specifike.