Rruga Jote drejt Punësimit në Vodafone Albania
Në Vodafone Albania, ne besojmë se përfshirja, transparenca dhe mbështetja duhet të jenë pjesë e çdo etape të rrugëtimit tënd, nga momenti kur eksploron mundësitë, deri në ditën që bëhesh pjesë e ekipit tonë. Ja si zhvillohet aplikimi yt, hap pas hapi, me të gjithë mbështetjen që të duhet gjatë procesit.
Para se të Aplikosh – Eksploro
Nis udhëtimin tënd përmes Portalit tonë të Karrierës, i lehtë për t’u naviguar dhe i integruar me Grow Your Career, i cili të sugjeron rolet që përputhen me aftësitë e tua në vetëm pak sekonda. Nëse nuk gjen një rol të përshtatshëm për momentin, mund të na ndjekësh në Instagram (Vodafone Careers Albania) ose në faqen tonë në LinkedIn, për të marrë njoftime mbi mundësitë që do të hapen së shpejti.
Pas Aplikimit – Qëndrojmë në Kontakt
Pasi të dorëzosh aplikimin, ekipi ynë i Rekrutimit do ta shqyrtojë me kujdes. Brenda afërsisht 15 ditësh, do të marrësh një përgjigje. Nëse kualifikohesh për fazat e mëtejshme, një rekrutues/e do të të informojë për hapat në vijim. Nëse jo, mund të zgjedhësh të qëndrosh i/e lidhur me ne përmes komunitetit tonë të Talenteve.
Vlerësimet & Testimet – Në përputhje me SPIRIT
Në varësi të rolit, mund të ftohesh për të kryer disa nga vlerësimet më poshtë:
Vlerësime Personaliteti
– për të kuptuar stilin tënd të punës dhe përputhjen me vlerat tona SPIRIT.
Teste Arsyetimi
– përfshijnë sfida logjike, numerike apo verbale, të përshtatura për rolin.
Teste Teknike
– për pozicione të specializuara, si programim, analizë sistemesh apo zgjidhje problemesh.
Intervista të Regjistruara me Video
– me pyetje që fokusohen te SPIRIT dhe aftësitë, për të reflektuar përvojën tënde në mënyrë autentike.
Për t’u përgatitur, vizito seksionin Assessments në faqen tonë globale të karrierës për udhëzime, kohëzgjatje dhe këshilla praktike.
Intervistat
Procesi fillon me një Intervistë për SPIRIT dhe Aftësitë Profesionale, e ndërtuar mbi vlerat kulturore të Vodafone dhe e përshtatur sipas pikave të tua të forta. Më pas, në varësi të pozicionit, mund të ndjekësh një Case Study Interview, që përfshin prezantime, simulime apo analiza. Intervistat zgjasin zakonisht 45–60 minuta, dhe do të marrësh feedback brenda 10 ditëve pune.
Nëse ke nevojë për mbështetje gjatë vlerësimeve apo intervistave, të inkurajojmë të kërkosh përshtatje specifike. Qoftë pajisje ndihmëse, fleksibilitet në kohë apo formate alternative, na njofto dhe do të kujdesemi që procesi të jetë i përshtatshëm për ty.
Oferta & Onboarding – Mirësevjen në Ekipin tonë
Urime! Nëse përzgjidhesh, rekrutuesi/ja jote do të të prezantojë me paketën e kompensimit dhe benefiteve dhe do të dërgojë ofertën për nënshkrim. Më pas do të nisë verifikimi i të dhënave, dhe sapo ky proces të përfundojë, do të nisin përgatitjet për Ditën tënde të Parë në Vodafone.
Kandidatët për ‘Early Careers’ – Një Rrugëtim i Dedikuar
Nëse po aplikon për programe si Praktika Pune apo Discover Graduate, procesi i përzgjedhjes është i strukturuar dhe I dedikuar posaçërisht këtë kategori. Gjej të gjithë informacionin e nevojshëm në seksionin ‘Early Careers’.
Privatësia e të Dhënave dhe të Drejtat e Tua
Privatësia jote është e mbrojtur. Ne jemi transparentë mbi mënyrën si përdorim të dhënat dhe kush ka akses në to. Ke të drejtë të kërkosh përditësim, fshirje apo të kundërshtosh përpunimin e të dhënave. Detajet i gjen në Politikën tonë të Privatësisë.