Karriera jote në Vodafone Albania mund të nisë në çdo faze, qoftë në hapat e parë drejt botës së punës, apo si profesionist me përvojë në kërkim të sfidës së radhës. Rrugët tona të hyrjes janë të dizajnuara për të përputhur aftësitë, ambiciet dhe potencialin tënd, duke të dhënë mundësinë të japësh ndikim që në ditën e parë.

Për Profesionistët me Përvojë
Nëse ke eksperiencë dhe po kërkon hapin e radhës në karrierën tënde, Vodafone Albania ofron mundësi të ndryshme në fusha si teknologjia, funksionet komerciale, dixhitali dhe funksionet mbështetëse. Këtu, do të kesh mundësi të udhëheqësh projekte, të zhvillosh ekspertizën tënde dhe të kontribuosh në një ambient dinamik dhe mbështetës. Mund të eksplorosh pozicionet më të fundit përmes Portalit tonë të Karrierës ose në faqen tonë në Instagram – Vodafone Careers Albania.

Programi për të Porsa - Diplomuar – Discover Graduate
Programi ynë Discover është krijuar për talente ambicioze që duan të përshpejtojnë zhvillimin e tyre profesional. Do të zhvillohesh në disa funksione, do të përfitosh eksperiencë praktike, mentorim dhe zhvillim të aftësive për t’u bërë një lider i së ardhmes në Vodafone Albania.
Mëso më shumë mbi Programin Discover Graduate këtu.

Praktika Profesionale me Pagesë – Apprenticeships
Programet tona të apprenticeship-it të japin mundësinë të mësosh duke punuar, duke kombinuar përvojën praktike me trajnime profesionale. Do të punosh në projekte reale, do të zhvillosh aftësi teknike dhe profesionale dhe do të ndërtosh bazat për një karrierë afatgjatë me ne.

Internshipe dhe Eksperienca Pune për Studentë
Në Vodafone Albania, praktikat tona të punës janë shumë më tepër sesa një njohje e shpejtë me botën e punës, ato të përfshijnë realisht në të. Çdo praktikë pune është e ndërtuar mbi një projekt konkret, që do të thotë se do të marrësh përgjegjësi reale dhe do të kontribuosh në nisma që kanë ndikim të matshëm në biznesin tonë.

Programet janë të hapura gjatë gjithë vitit dhe fleksibël, për t’u përshtatur me kalendarin akademik apo disponueshmërinë tënde personale.

Do të punosh krah profesionistëve me përvojë, duke përfituar aftësi praktike, njohuri mbi industrinë dhe përvoja që shkojnë përtej asaj që mësohet në auditore. Synimi ynë është që të largohesh me arritje konkrete për në CV-në tënde, dhe pse jo, me mundësinë për të vazhduar në një rol të përhershëm, nëse ambiciet e tua përputhen me nevojat tona.

Të interesuar për Apprenticeships, Praktika apo Eksperienca Pune?
Na shkruani duke shprehur interesin dhe dërguar CV-në tuaj në [email protected], ose kontaktoni zyrën e karrierës në universitetin tuaj.