Përgjigje ndaj Emergjencave Civile

Vodafone Albania dhe Fondacioni Vodafone Albania prej vitesh japin kontributin e tyre në rastet e emergjencave humanitare apo fatkeqësive natyrore.

Nëpërmjet iniciativave të ndryshme, Fondacioni Vodafone gjendet gjithmonë pranë të prekurve nga fatkeqësi natyrore apo emergjenca civile.

Tërmeti i 26 Nëntorit 2019

Ndihma nga Fondacioni Vodafone Albania

Pas tërmetit, Fondacioni Vodafone dhe World Vision mundësuan shpërndarjen e ndihmave me ushqime, batanije dhe dyshekë, në një vlerë prej 10,000 Euro si edhe 85 tenda strehimi. Ndihmat u shpërndanë në Durrës, Thumanë dhe Tiranë.

Skuadra e kërkim shpëtimit nga Vodafone Turqia

Më 27 Nentor, 10 vullnetarë nga Vodafone Turqia të specializuar dhe çertifikuar për kërkim shpëtim, iu bashkuan skuadrave të kërkim shpëtimit në Durrës, duke ndihmuar në operacionet e kërkimit dhe shpëtimit nën rrënojat e disa godinave në Durrës.

Shoqata Humanitare Ndërkombetare “Doctors of the World” img

Shoqata ndërkombetare humanitare “Doctors of the World” iu bashkuan Fondacionit Vodafone për të vlerësuar nevojat për asistencë mjekësore në zonat e prekura dhe asistuar me medikamente.

Solidariteti i punonjësve Vodafone

Gadishmëria dhe solidariteti i punonjësve Vodafone ishte i menjëhershëm. Që prej ditës së parë, punonjësit mblodhën rroba, ushqime, batanije dhe i shpërndanë për ditë tek familjet e prekura nga tërmeti.

Suport në komunikim

Fondacioni Vodafone dhe Vodafone ofruan telefona falas për familjet që humbën gjithcka nën rrënoja, karta me paketa turstike për vullnetarët nga Kosova, shërbime komunikimi për skuadrat e kërkim shpëtimit, mjekët etj.

Emergjenca nga zjarret e pyjeve

Fondacioni Vodafone Albania dhe Vodafone Foundation Humanitarian Fund ju përgjigjēn menjëherë emergjencës së shkaktuar nga zjarret e pyjeve nëpër Shqipëri duke dhuruar materiale dhe pajisje në vlerën e 24,000 eurove, Agjencisë Kombëtare të Zonave të Mbrojtura duke rritur kapacitetet e tyre mbrojtëse në luftën me zjarret e pyjeve.